la chambre 501

你老闆「動員」你，你收到未？

愛國愛港機構點樣支援愛國愛港組織派出的愛國愛港候選人？ 例子一，放工去派傳單，有 time off 。

我會點投？ 我果區個民建聯地保已盤踞多年，上次仲因為冇人挑戰而直接當選。 今次有一個女教師忽然現身要挑戰佢，雖然女教師的海報呀、宣傳單呀都表現得很騎呢，例如係海報上鬼咁大隻字話自己廿九歲 (同地保工作有咩關呢？)；海報是粉紅底，配迫爆鏡大頭相，仲要張相起格仔 (蓋 resolution 唔夠高也)；至於宣傳品呢，上面印有好多張相，都係同一個format，影住一堆垃圾\公園爛櫈\樓梯轉角尿漬之類，扁起個嘴手指指咁，最過癮係張張相都係著同一條裙，可想言之張野有幾「即食」。

對於文宣品的切雞質素，單論海報而言民建聯就做得好喇！ 起碼簡簡單單風格統一，禁絕左D 騎呢樣通街貼影響市容，已經係德政。 又，我好期待好似台灣的選舉廣告在香港出現，如無意外都應該係民建聯做lee 個香港第一啦掛？ 因為得佢有錢，至於如果可以有台灣果D咁抵死就係 bonus 啦(民進黨本來有一批諷刺國民黨的廣告放在網上，是很抵死的，不過我找到，很可惜)。

係係係，至於聽日我係會選女教師，因為原本個阿伯地保真係睇到悶(兼除左攪吃喝團就冇料到，仲有佢坐地鐵時曾經最少兩次偷睇我份報紙)，雖然女教師係輸梗，我個票就當投比佢個「娛樂性」同「啟發性」啦。

基於lee個邏輯，係兩個阿太之戰果日，我係好想投比我偶像柳玉成的。

最後我有d 奇怪係點解葉太唔賣下母女情？ 都係時候啦喎！

你可能唔係好明個題目想講咩。 不過不打緊，先由今天的蘋果日報的娛樂版說起。 在鄒文懷的報道旁有這將賭噢噢噢噢……聖(仿周星星用語）的劇照，我覺得實在精彩，一定要 save 底。

圖：06-11-07 蘋果日報

代表中國，sorry 係中華民國，出戰世界賭皇大賽的賭聖。

曾幾何時，當大陸仍是封閉，香港電影因為要賣埠到台灣，所以在選角或是意識型態上都要迎合國民黨政府的要求。 （這個我是聽回來的，未敢肯定）為保護本土電影工作者，台灣規定進台的港產電影都要有台灣影星參與，所以你看八九十年代 （80s 明顯些）的港產片都有或明或暗的台灣演員在內，出名的有張艾嘉啦，even 現在係無線「同事三分親」的金燕玲都係，男的要數小黑哥柯受良啦！

意識型態上，上圖就是一例。 無時無刻陰滋陰滋的總要你記中華民國四隻大字。

幾年前在 now TV 上看到一齣由曾志偉執導的電影《安樂戰場》正正就是集齊上述兩項原素。 電影內容，你可以按 link 去看，大概是說一班香港人到菲律賓旅行，途中被菲律賓土共(！！)擄走，困在荒郊的茅房裡。 但這電影不是我杯茶，原因不是它不好看，只是它的片種，是很壓抑的驚慄片 （嘩！ 男的逐個殺，女的逐個姦，唔驚就假。），這是我最怕去看。 最記得有一幕土共要人質抽生死簽，抽中的就要死，用來向政府施壓，這時團走中竟走出一對操國語的光頭孖兄弟，自願從容就義，匪徒問他們為什麼要這樣做，他們說了一堆大義凜然的道理，最後喊了句「我們做個堂堂正正的中國人！」，然後就「拼o彭」比人攪掂左。 起初我是看不明白，但當想到過住港 ﹣台之間的電影寓政治的蜜月期，傾刻便明哂矣～～

從這個角度去看(閱讀)舊港產片，很是有趣。

當然，隨時代發展，這些「片」都已是流水落花一去冇回頭，現在只能有中港合拍電影。 早前到電影院，有時也會播「中港合拍電影」的宣傳片，叫人多多支持云云，每次看到我都會想，看過八九十年代的港產片，從創意上怎會看得起現在的「合拍電影」？ 為了市場，港產片過往的幽默、諷刺加創意，早已被閹割盡啦。 e + d 笑片邊樹好笑～ 國產007 ? e + 話你知必賺都怕扯無人敢拍。